Drejtori Ylber Sela vizitoi Ansamblin Nacional të Këngëve dhe Valleve Popullore Shqiptare në RMV
Feb 3, 2020
Sot, drejtori i Agjencisë për Zbatimin e Gjuhës (AZGJ), Ylber Sela e vizitoi Ansamblin Nacional të Këngëve dhe Valleve Popullore Shqiptare në Republikën e Maqedonisë së Veriut (ANKVPSH), ku u prit nga homologu i tij Shkodran Tolaj. Në këtë takim pune, drejtori i ANKVPSH-së, Shkodran Tolaj e njoftoi drejtorin e AZGJ-së, Ylber Sela lidhur me përmbushjen e detyrimit ligjor për sa i përket dygjuhësisë, duke filluar që nga vulat, logoja e deri te tabela me emrin e institucionit. Po ashtu, ai foli edhe për fazën e mëtejme për zbatimin e Ligjit për Përdorimin e Gjuhës. Me këtë rast drejtori i AZGJ-së, Ylber Sela ofroi ndihmën e tij, si dhe gatishmërinë për sa i përket bashkëpunimit në aspektin e zbatimit të dygjuhësisë në këtë institucion. [gallery bgs_gallery_type="slider" bgs_gallery_image_size="full" size="publisher-lg" ids="3513,3510,3507,3504"]
Takim pune i drejtorit Sela në MPB
Jan 29, 2020
Drejtori i Agjencisë për Zbatimin e Gjuhës së RMV-së, Ylber Sela, zhvilloi një takim pune në Ministrinë e Punëve të Brendshme (MPB), ku u takua me Xhevdet Azizin, ndihmësministër i Departamentit të Çështjeve Civile, Lidija Petrova - Mojsovska, kryeshefe e Sektorit të armëve, materialeve shpërthyese dhe të rrezikshme, Nadica Velevska, kryeshefe e Sektorit të çështjeve administrative - mbikëqyrëse, Elizabeta Popovska - Tomovska, Sllavica Mihajllovska dhe Besim Gjureci, përfaqësues të departamenteve përkatëse të Sektorit të çështjeve administrative - mbikëqyrëse. Në takimin e punës u diskutuan çështje që lidhen me zbatimin e gjuhëve zyrtare, veçanërisht në procedurat civile, lëshimin e akteve administrative, përgatitjen e kërkesave, certifikatat, lejet, mbajtjen e shënimeve dhe regjistrave të ministrisë, si dhe çështje të tjera me interes të të dyja palëve. Me këtë rast, drejtori Sela shprehu interes për bashkëpunim dhe ofroi ndihmë konkrete në përkthimin dhe korrektimin e formularëve dhe shabllonëve të ndryshëm për nevojat e ministrisë, dhe përshëndeti angazhimin e ndihmësministrit Azizi dhe bashkëpunëtorëve të tij në zbatimin e detyrimeve të zgjidhjes ligjore të përdorimit të gjuhëve, që të realizohen të drejtat e qytetarëve në gjuhët zyrtare dhe në procedurat për të cilat është përgjegjëse MPB-ja. [gallery bgs_gallery_image_size="full" bgs_gallery_type="slider" size="publisher-lg" ids="3439"]
Drejtori Sela vizitoi BNU "Shën Klimenti i Ohrit"
Jan 29, 2020
Drejtori i Agjencisë për Zbatimin e Gjuhës së RMV-së (AZGJ), Ylber Sela, vizitoi Bibliotekën Nacionale dhe Universitare "Shën Klimenti i Ohrit", ku pati një takim pune me Frymëzim Dautin, drejtor i këtij institucioni. Me këtë rast, drejtori Sela shprehu mirënjohjen për takimin, si dhe gatishmërinë e AZGJ-së për bashkëpunimin ndërinstitucional, për mendime këshilluese, për konsultime dhe përkrahje të punës së BNU "Shën Klimenti i Ohrit" . Nga ana tjetër, Dauti informoi homologun e tij se bibliotekës i mungon personeli për përkthim dhe korrigjim në gjuhët zyrtare të Republikës së Maqedonisë së Veriut dhe se do të bëhen përpjekje që me burimet e brendshme në dispozicion të bibliotekës, të sigurohet respektimi i dispozitave të Ligjit të Përdorimit të Gjuhëve. Palët shprehën gatishmërinë e tyre për të vazhduar më tej dhe për të promovuar bashkëpunimin e mirë midis dy institucioneve. [gallery bgs_gallery_image_size="full" bgs_gallery_type="slider" size="publisher-lg" ids="3427,3430"]
AZGJ-në e vizitoi një delegacion i Fondit të Sigurimit Pensional dhe Invalidor
Jan 23, 2020
Sot, Agjencinë për Zbatimin e Gjuhës e vizitoi një delegacion nga Fondi i Sigurimit Pensional dhe Invalidor, kryesuar nga shefi i kabinetit, Muharem Asani, i cili u prit nga drejtori i Agjencisë, Ylber Sela. Institucioni në fjalë pasi e ka pranuar Udhëzuesin, që Agjencia për Zbatimin e Gjuhës e promovoi ditë më parë, ka shfaqur interes për t’u njohur nga afër me punën e Agjencisë, por dhe për të sqaruar dilemat dhe pengesat që shfaqen gjatë zbatimit të gjuhës në këtë institucion të rëndësishëm dhe kompleks. Gjatë takimit u fol për shumë çështje që kanë të bëjnë me zbatimin e dygjuhësisë në atë institucion, veçmas për vështirësitë dhe dilemat që shfaqen gjatë këtij procesi. Faza e parë e zbatimit të dygjuhësisë në FSPI tanimë ka përfunduar, por edhe faza e dytë pritet së shpejti t’i tejkalojë vështirësitë dhe pengesat për shkak të veprimtarisë shumë të gjerë në mbarë vendin. Të dyja palët, shfaqën interes për bashkëpunim në të ardhmen dhe se duhet të zbatohet ajo që është përcaktuar me Ligjin e Përdorimit të Gjuhëve. Me këtë rast drejtori Ylber Sela ofroi ndihmë konkrete për sa i përket përkthimit dhe lekturimit të dokumenteve dhe formularëve të ndryshëm për nevojat e këtij institucioni. [gallery size="publisher-lg" bgs_gallery_type="slider" bgs_gallery_image_size="full" ids="3410,3413,3416"]
Drejtori Sela në vizitë pune te Gjykata Supreme
Jan 16, 2020
Drejtori i AZGJ-së, Ylber Sela, ishte në vizitë pune te Gjykata Supreme e Republikës së Maqedonisë së Veriut, me kërkesë të Faik Arsllanit, ushtruesi i detyrës kryetar i gjykatës më të lartë në Republikën e Maqedonisë së Veriut, mbledhje në të cilën morën pjesë edhe përfaqësues të Gjykatës Supreme, si: Lidija Tanevska – Jadrofska, këshilltare e pavarur gjyqësore dhe shefja e kabinetit të kryetarit të Gjyqit, Sonja Gruevska, administratore gjyqësore dhe Marina Mileva, bashkëpunëtore e lartë gjyqësore dhe zëdhënëse e Gjyqit. Drejtori Sela i falenderoi për ftesën e takimit dhe theksoi se gjithnjë është i hapur për bashkëpunim dhe mbështetje të çdo institucioni, që ka nevojë për të, gjithë kjo me qëllim t’u mundësohet qytetarëve realizim efikas dhe efektiv të të drejtave të tyre gjuhësore dhe të procedurave te Gjykata Supreme, ashtu siç është paraparë me Ligj. Kryetari Arsllani shprehu mbështetje për punën e AZGJ-së dhe njëherësh e informoi bashkëbiseduesin se, edhe për skaj të vonesave dhe pengesave në zbatimin e Ligjit, janë ndërmarrë aktivitete nga Gjykata Supreme, siç është ndryshimi i tabelës së Gjykatës në gjuhët zyrtare, aktivitetin e tanishëm për ndryshimin e vulave, logos dhe uebfaqen e Gjykatës, aktivitete të cilat priten të mbarojnë në kohë sa më të shkurtër. Gjithashtu theksoi nevojën e ekipimit kadrovik të Gjyqit me angazhimin e përkthyesve dhe lektorëve të specializuar në terminologjin gjyqësore, krejt kjo me qëllim funksionimin e Gjykatës dhe zbatimin e mirëfillt të dispozitave ligjore të cilat kanë të bëjnë me përdorimin e gjuhëve zyrtare në procedurat gjyqësore. Gjatë kohës së takimit, të dyja palët e riafirmuan nevojën për bashkëpunim dhe mbështetje të ndërsjelltë, duke e theksuar rëndësinë e respektimit të të drejtave ligjore të çdo qytetari. [gallery size="publisher-lg" bgs_gallery_type="slider" bgs_gallery_image_size="full" ids="3391,3394"]
Fjalimi i drejtorit të AZGJ-së Ylber Sela në promovimin e Udhëzuesit për Zbatimin e Ligjit për Përdorimin e Gjuhëve
Jan 15, 2020
Kam nderin dhe kënaqësinë e veçantë që të them pak fjalë për Udhëzuesin e Zbatimit të Ligjit për Përdorimin e Gjuhëve, të parin e këtij lloji këtu te ne, me qëllim që të sjellë në një vend legjislacionin, politikat dhe rolin e strukturave institucionale të Republikës së Maqedonisë së Veriut, në mënyrë që procesi i respektimit të së drejtës për përdorimin e gjuhës shqipe, si një e drejtë themelore e shqiptarëve, të zbatohet në mënyrë efektive dhe të përgjegjshme, gjë që është në interesin dhe stabilitetin e kësaj shoqërie ku jetojmë. Para së gjithash kjo do të kontribuojë dukshëm në aspektin e paraqitjes sa më të mirë të institucioneve, për një imazh sa më pozitiv dhe për një nivel sa më të lartë të funksionimit të ligjit. Gjatë viteve që kemi lënë pas, institucionet e larta shtetërore janë angazhuar në mënyrë të vazhdueshme për të krijuar bazën e mjaftueshme ligjore lidhur me përdorimin zyrtar të gjuhëve, si në nivelin qendror, ashtu edhe në atë lokal. Siç e kemi të njohur, Republika e Maqedonisë së Veriut tanimë ka një legjislacion më të avancuar, i cili rregullon më qartë përdorimin e gjuhëve në institucione. Dhe sado që është kompletuar kjo infrastrukturë ligjore për përdorimin e gjuhëve, prapëseprapë, gjatë zbatimit praktik shfaqen vështirësi dhe sfida të ndryshme. Në të vërtetë, ky udhëzues nuk e ndryshon ligjin që është në fuqi, por bën një shpjegim të qartë për sa i përket zbatimit të tij në praktikën shoqërore. Prandaj, të gjithë qytetarët, përfaqësuesit e institucioneve, politikëbërësit, planifikuesit dhe praktikuesit kanë në duar një mjet lehtësues për t’u qasur në informacionet që kanë të bëjnë me detyrimet institucionale ndaj të drejtave të qytetarëve për përdorimin e gjuhës që e flasin së paku 20% e qytetarëve të Republikës së Maqedonisë së Veriut. Më lejoni të falënderoj të gjithë ata që kanë dhënë ndihmesën e tyre të çmuar në hartimin e këtij udhëzuesi. [gallery size="publisher-lg" bgs_gallery_type="slider" bgs_gallery_image_size="full" ids="3342,3345,3348,3351,3354"]
1 vit nga zyrtarizimi i gjuhës shqipe, nuk gjen zbatim në institucionet, gjobat do të vonohen
Jan 15, 2020
U bë një vit prej kur Kryeparlamentari Talat Xhaferi hapi seancën në gjuhën shqipe. Ligji për përdorimin e gjuhëve u fuqizua duke u shpall në Gazetën Zyrtare. Një pjesë e institucioneve po e respektojnë ligjin dhe kanë vendosur tabelat edhe në gjuhën shqipe, por një pjesë e tyre nuk e zbatojnë atë. Një pjese e formularëve nëpër institucione janë vetëm në gjuhën maqedonase, por edhe tabelat njëashtu. Për ta vënë në zbatim ligjin janë formuar dy institucione, Agjencia për zbatim të Ligjit dhe Inspektorati për gjuhën shqipe. Drejtori i Agjencisë për përdorimin e gjuhëve Ylber Sela, tha se ka institucione që kanë refuzuar ndihmën e agjencisë, ndërsa një pjesë e tyre kanë kërkuar që të gjitha formularët të përkthehen në dy gjuhë. “Do t’i lekturojmë të gjitha aktet ligjore dhe nënligjore dhe të gjitha shpalljet të cilat shkojnë në Gazetën Zyrtare. Që nga nesër fillon edhe afati, ne i presim dhe jemi të përgatitur. Të gjitha sendet juridike për të cilat kanë dilemë, se a duhet të zbatohet, ata vetëm duhet të dërgojnë një e-mail tek ne ose personalisht dhe ne ua sqarojmë çdo gjë”, tha Ylber Sela nga Agjencia për Zbatimin e Ligjit. Ndryshe, para një muaji Komisioni i Venecias, kërkoi që Ligji për gjuhët të rishikohet dhe të shqyrtohet dygjuhësia në procedurat gjyqësore. Qeveria ende nuk ka sjellë vendim për përdorimin e gjuhës shqipe në monedhat, si dhe në uniformat e Armatës së Republikës së Maqedonisë së Veriut, pasi që grupi i punës i cili duhet të veprojë ndaj rekomandimeve të Komisionit të Venecias, ende nuk e ka caktuar planin e veprimit.
LIGJI PËR SHQIPEN: NJË VJET PAS HYRJES NË FUQI
Jan 15, 2020
Mungesa e vullnetit për zbatim, problem kryesor Një vit pasi u shpall Ligji për përdorimin e gjuhëve në Gazetën Zyrtare, nuk po respektohet në tërësi, e shkeljet nuk ka kush t’i dënojë për shkak të vonesës në procedurat për formimin e inspektoratit. Buxheti i vogël do të jetë problem shtesë për formimin e ekipit, por megjithatë, Iseni thotë se ka gati planin për funksionimin e Inspektoratin. E ai do të ketë shumë punë. Edhe pse kanë kaluar 365 ditë pasi ligji u publikua në Gazetën Zyrtare, një ndër nenet kryesore nuk po gjen zbatim. “Uniformat e policisë; të zjarrfikësve; të shëndetësisë; në Shkup dhe në komunat në të cilat së paku 20% e qytetarëve flasin gjuhë zyrtare të ndryshme nga gjuha maqedonase janë të shkruara në gjuhën maqedonase dhe alfabetin e saj cirilik, si dhe në gjuhën që e flasin së paku 20% të qytetarëve në Republikën e Maqedonisë së Veriut dhe alfabetin e saj.”- citohet neni 8 i ligjit për përdorimin e gjuhëve. E përgjigje nuk dha as ish-ministri i Brendshëm, Oliver Spasovski. Në kohën kur ishte ministër thoshte se me këtë çështje po merren grupe të punës, e tani tha që nuk është më në atë funksion, dhe na adresoi të pyesim në MPB, edhe pse ai tanimë është i pari i ekzekutivit. “Disa herë ua kam bërë këtë pyetje kur ishit ministër… Ku e latë procedurën dhe kur do të jenë uniformat në dy gjuhë? Gjithçka që ju intereson për Ministrinë e Punëve të Brendshme, do të duhet të drejtoheni atje, unë sot nuk jam këtu në rolin e ministrit të Punëve të Brendshme.” -tha Oliver Spasovski, Kryeministër. Drejtori i Agjencisë për Zbatimin e Ligjit, Ylber Sela, thotë që tanimë nuk ka hapësirë për arsyetime. Ai thotë se personalisht ka vizituar institucionet dhe u ka ofruar ndihmë, e nga bashkëpunimi me disa institucione është i kënaqur, e disa tjerë, thotë që janë të pa interesuar. Institucioni që ai e drejton, nesër do ta promovojë edhe udhëzuesin për zbatimin e ligjit. “Nesër kemi promovimin… Aty ku kanë dilema.“-deklaroi Ylber Sela, drejtor i Agjencisë për Zbatimin e Ligjit për përdorimin e gjuhëve. Agjencia ka nisur edhe pyetësor deri tek institucionet për t’i pyetur se a ju duhet ndihma e tyre, por shumica janë përgjigjur negativisht. Nga kjo përvojë, Sela thotë se inspektorati do të ketë shumë punë në të ardhmen. /Furkan Saliu/ LINK
Drejtori i AZGJ-së, Ylber Sela takoi drejtorin e Inspektoratit të Gjuhëve, Fatmir Hyseni
Jan 9, 2020
Gjatë ditës së sotme, drejtori i Agjencisë së Zbatimit të Gjuhës, Ylber Sela pati një takim me drejtorin e Inspektoratit të Gjuhëve, Fatmir Hyseni, ku ishte i pranishëm edhe sekretari shtetëror i Ministrisë së Shoqërisë Informatike dhe Administratës, Adem Avziu . Gjatë këtij takimi u shqyrtuan mundësitë e bashkëpunimit me Inspektoratin e Gjuhëve, si një institucion i sapoformuar në kuadër të Ministrisë së Drejtësisë. Në të vërtetë, takimi në fjalë kishte si qëllim mbështetjen e plotë të drejtorit të ri, si dhe për t’i ofruar ndihmë të vazhdueshme gjatë ballafaqimit me detyrat dhe sfidat e ndryshme që e presin në punën e Inspektoratit të Gjuhëve. [gallery bgs_gallery_type="slider" bgs_gallery_image_size="full" size="publisher-lg" ids="3311,3314"]
Drejtori Ylber Sela ia dorëzoi formularët përfaqësuesit të Fondit të Sigurimit Shëndetësor
Jan 8, 2020
Sot në Shkup, Agjencinë për Zbatimin e Gjuhës e vizitoi përfaqësuesi i Fondit të Sigurimit Shëndetësor, Arben Saliu, i cili u prit nga drejtori Ylber Sela. Me këtë rast, ky i fundit ia dorëzoi formularët e lekturuar në gjuhën shqipe nga shërbimet e AZGJ-së, formularë këto që i përkasin sferës shëndetësore. Kujtojmë se nga takimi i fundit që patëm në këtë institucion, zbatimi i gjuhës shqipe haste në vështirësi dhe pengesa objektive për shkak të veprimtarisë shumë të gjerë në mbarë vendin, por të cilat së shpejti do të tejkalohen. [gallery size="publisher-lg" bgs_gallery_type="slider" bgs_gallery_image_size="full" ids="3234"]
Njoftime
Shiko të gjithaBuletin
Shiko të gjithaFurnizime Publike
Shiko të gjithaInformacion kontakti
-
St., "Philip the Second of Macedonia" no. 11,
3rd floor Skopje, Republic of North Macedonia -
Phone number
02 312 1731
- Email
info@apj.gov.mk - Email