news image
Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Oct 15, 2026
news image
Sot është Dita Ndërkombëtare e Përkthimit

Sot është Dita Ndërkombëtare e Përkthimit, që ndërlidhet me Shën Jeronimin (347-420), përkthyesin e njohur të Biblës në latinisht (Vulgata), i cili njihet si shenjtori mbrojtës i përkthyesve.Më 24 maj të vitit 2017, Asambleja e Përgjithshme e Kombeve të Bashkuara miratoi Rezolutën 71/288, me të cilën 30 shtatorin e shpalli si Ditë Ndërkombëtare të Përkthimit në mbarë botën.Le të kujtojmë se në këtë ditë organizohen aktivitete të shumta anembanë botës nga organizata e institucione të ndryshme arsimore, shkencore, kulturore, artistike, duke e shënuar në forma e mënyra sensibilizuese, me qëllim të ngritjes së vetëdijes dhe vullnetit për respektim të ndërsjellë të të drejtave gjuhësore.Sigurisht, edhe Agjencia e Zbatimit ë Gjuhës e RMV-së e ka shënuar vazhdimisht këtë ditë të rëndësishme, duke kujtuar rëndësinë e veçantë të saj për faktin se gjuhët janë mjet thelbësor i komunikimit ndërmjet njerëzve, aq më tepër në shtetet dhe shoqëritë shumetnike e shumëgjuhëshe ku përkthimi është domosdoshmëri për t’u kuptuar dhe për të qenë më afër njëri-tjetrit si kusht i respektimit të ndërsjellë etnik, gjuhësor, kulturor.Duke pasur përkthimin si veprimtari kryesore, AZGj-ja gjithmonë ka qenë dhe vazhdon të jetë bartëse e kësaj veprimtarie, duke i ndihmuar institucionet shtetërore në Republikën e Maqedonisë së Veriut për ta zbatuar dygjuhësinë në pajtim me Ligjin e Përdorimit të Gjuhëve, nëpërmjet përkthimit të të gjitha akteve, dokumenteve, shkresave, procesverbaleve, formularëve, udhëzuesve, doracakëve etj., që janë në interes të qytetarëve.Puna e saj sistematike e ka ngritur Agjencinë në shkallën e institucioneve më aktive brenda vendit, për arsye se ka arritur të krijojë një bashkëveprim më konkret në aspektin e komunikimit qytetar, duke mënjanuar shumë paragjykime e pengesa ndërgjuhësore, si dhe duke krijuar një ndjeshmëri dhe normalitet për funksionimin gjuhësor në RMV. Kjo nënkupton faktin se AZGJ-ja vazhdon të japë kontributin e saj në zbatimin zyrtar të gjuhëve në Republikën e Maqedonisë së Veriut, duke ruajtur e kultivuar frymën e barazisë dhe të drejtave qytetare si detyrim ligjor, por edhe si një vlerë qytetëruese e demokratike.Me këtë rast AZGJ-ja ua uron këtë ditë të gjithë përkthyesve të cilët kontribuojnë në këtë drejtim, duke u dëshiruar mbarësi e suksese në të gjitha përpjekjet dhe sfidat e ardhshme të përkthimit.

Oct 1, 2026
news image
Vazhdon me sukses dita e dytë e Konferencës së 8-të Ndërkombëtare në Durrës

 Ka vijuar sot punimet dita e dytë e Konferencës së 8-të Ndërkombëtare me temë “Formësimi i së Ardhmes: Arsimi dhe Inovacioni në Shoqërinë Digjitale”, e cila po mbahet në Universitetin “Aleksandër Moisiu” në Durrës.Punimet e ditës së dytë u zhvilluan përmes sesioneve paralele shkencore, ku studiues dhe ekspertë nga vende të ndryshme prezantuan punime që trajtojnë sfidat dhe mundësitë e arsimit në epokën digjitale. Diskutimet u fokusuan në qasjet inovative në mësimdhënie, përdorimin e inteligjencës artificiale në arsim, si dhe zhvillimin e kompetencave gjuhësore në një shoqëri gjithnjë e më të digjitalizuar.Në këtë konferencë, Agjencia e Zbatimit të Gjuhës vazhdon pjesëmarrjen aktive si bashkëorganizatore, duke kontribuar në promovimin e politikave gjuhësore dhe avancimin e përdorimit të standardit gjuhësor në kontekstin akademik dhe institucional.Gjatë ditës së parë të konferencës u nënshkrua Memorandumi i Bashkëpunimit ndërmjet Agjencisë së Zbatimit të Gjuhës dhe Universitetit “Aleksandër Moisiu” në Durrës, një hap i rëndësishëm drejt thellimit të bashkëpunimit ndërinstitucional në fushën e gjuhës, arsimit dhe kërkimit shkencor.Konferenca përmbylli me sukses punimet e saj, duke shërbyer si një platformë e rëndësishme për shkëmbimin e ideve, përvojave dhe praktikave më të mira në fushën e arsimit dhe inovacionit në shoqërinë digjitale.

May 4, 2026
news image
Drejtori i AZGj-së bashkëorganizator i Konferencës së 8-të Ndërkombëtare në Durrës; nënshkruhet memorandum bashkëpunimi

 Drejtori i Agjencisë së Zbatimit të Gjuhës, Granit Osmani, së bashku me ndihmësudhëheqësen e Sektorit për mbështetje të drejtorit Shpresa Zeqiri Ibrahimi dhe Liber Emini e Ubejd Ramani nga kabineti i drejtorit, morën pjesë në Konferencën e 8-të Ndërkombëtare me temë “Formësimi i së Ardhmes: Arsimi dhe Inovacioni në Shoqërinë Digjitale”, ku AZGJ paraqitet në cilësinë e bashkëorganizatorit.Konferenca, që po mbahet më 29 e 30 prill 2026 në Universitetin “Aleksandër Moisiu” në Durrës, ka mbledhur studiues, profesorë dhe ekspertë nga vende të ndryshme, duke trajtuar tema që lidhen me arsimin, teknologjinë dhe sfidat e shoqërisë digjitale.Në kuadër të kësaj ngjarjeje të rëndësishme akademike, drejtori Granit Osmani zhvilloi takime të rëndësishme institucionale. Delegacioni i AZGJ-së u prit nga profesoresha Manjola Zaçellari dhe rektori i Universitetit “Aleksandër Moisiu”, prof. dr. Shkëlqim Fortuzi, me ç’rast u nënshkrua edhe Memorandum i Bashkëpunimit ndërmjet Agjencisë së Zbatimit të Gjuhës dhe Universitetit “Aleksandër Moisiu” në Durrës. Nënshkrimi i këtij memorandumi synon thellimin e bashkëpunimit në fushën e gjuhës, arsimit dhe projekteve të përbashkëta shkencore.Në këtë drejtim, ky memorandum pritet të hapë rrugë për iniciativa të reja akademike, shkëmbime profesionale dhe zhvillimin e projekteve që kontribuojnë në avancimin e përdorimit dhe standardizimit të gjuhës në kontekstin e shoqërisë moderne digjitale.Pjesëmarrja e AZGJ-së në këtë konferencë dhe roli i saj si bashkëorganizatore dëshmon përkushtimin institucional për të qenë pjesë aktive e proceseve ndërkombëtare që lidhen me arsimin dhe inovacionin.

Apr 30, 2026
Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk