AZGj-ja dhe Misioni i OSBE-së në Shkup do të realizojnë trajnim për përkthim simultan
Apr 1, 2022
Drejtori i AZGj-së, Ylber Sela realizoi takim pune me përfaqësuesit e Misionit të OSBE-së në Shkup, të udhëhequr nga Katarina Zhivkoviq, asistente e programit të Misionit. Temë e diskutimit ishte vazhdimi i bashkëpunimit të shkëlqyeshëm mes dy palëve dhe zbatimi i aktivitetit të ri dhe të përbashkët, që është në plan të realizohet gjatë muajit maj. Bëhet fjalë për trajnim disaditor për përmirësimin e aftësive për përkthim simultan, që është i paracaktuar për nëpunësit e Sektorit të përkthimit dhe të lekturimit të AZGj-së. Me mbështetjen e Misionit të OSBE-së do të sigurohet ndihmë nga ekspertët për realizimin e trajnimit, prej të cilëve dy trajnues më me përvojë të kësaj fushe, Blerina Starova Zllatku dhe Llukrecija Malkoviq Atanasovska. Drejtori Sela i falënderoi për mbështetjen e deritanishme nga ana e Misionit të OSBE-së dhe theksoi se zbatimi i aktiviteteve të përbashkëta projektuese, që janë të identifikuara si prioritare, janë me rëndësi të veçantë për institucionin dhe për atë qëllim, AZGj-ja gjithmonë do të jetë e hapur për bashkëpunim. Shkup, 30.3.2022
Përkrahje institucionale për Agjencinë e Mbështetjes së Sipërmarrësisë
Mar 30, 2022
Drejtori i Agjencisë së Zbatimit të Gjuhës (AZGj), Ylber Sela realizoi takim konsultues me drejtorin e Agjencisë së Mbështetjes së Sipërmarrjes (AMS), Hajrulla Misini. Homologët diskutuan për nivelin e zbatimit të dispozitave që dalin nga Ligji i Përdorimit të Gjuhëve. Çështje tjetër që u diskutua ishte edhe thellimi i bashkëpunimit ndërinstitucional nëpërmjet mbështetjes konkrete të AZGJ-së për AMS-në për përkthimin dhe lektorimin e formularëve të ndryshëm që AMS-ja i ka në shfrytëzim. Palët u dakorduan që takimet e këtilla të vazhdojnë edhe më tej. Shkup, 29.3.2022
AZGj-ja vazhdon me angazhimet e bashkëpunimit më të madh me Delegacionin e BE-së
Mar 25, 2022
Drejtori i AZGj-së, Ylber Sela realizoi takim online me Sabri Tahir, zyrtar i çështjeve politike në Delegacionin e BE-së në Shkup. Drejtori Sela e falënderoi për mundësinë e takimit dhe e njoftoi bashkëfolësin e tij për punën e deritashme të AZGj-së, si dhe për projektet e realizuara, ndërsa njëkohësisht konstatoi se ekziston hapësira për bashkëpunim më të madh me Delegacionin e BE-së, për çka propozoi disa projekte që do të mund të realizoheshin me përpjekje të përbashkëta. Nga ana tjetër, Tahir u falënderua për prezantimin e hollësishëm të punës së AZGj-së dhe u zotua për vazhdimin e komunikimit me AZGJ-në nëpërmjet realizimit të takimit të ri në selinë e AZGj-së, në të cilën do të bisedohej rreth temave që ishin pjesë e diskutimit në takimin e sotëm online. Shkup, 24.3.2022
NP Parkingu i Qytetit - Shkup do të bashkëpunojë me AZGJ-në
Mar 24, 2022
Në kuadër të agjendës së sotme intensive të punës, drejtori i AZGJ-së, Ylber Sela, vizitoi Ndërmarrjen Publike Parkingu i Qytetit – Shkup ku u takua me Bojan Hristovskin, drejtor i ndërmarrjes publike dhe me zëvendësin e tij, Isa Idrizi. Me këtë rast, Sela dhe Hristovski biseduan rreth gjendjes në ndërmarrjen publike për sa i përket përdorimit të gjuhëve zyrtare dhe shkallës së realizimit të detyrimeve të Ligjit të Përdorimit të Gjuhëve. Drejtori Sela ofroi mbështetje në aspektin e përkthimit dhe të lekturimit të formularëve dhe të akteve të tjera të përgjithshme që dalin nga puna e ndërmarrjes publike, si dhe u shpreh i hapur për bashkëpunim për çështjet që rrjedhin nga zbatimi i ligjit në fjalë. Takimi është në shërbim të mbështetjes që AZGJ-ja u jep institucioneve publike për zbatimin e Ligjit të Përdorimit të Gjuhëve. Shkup, 23.3.2022
Angazhimi i konfirmuar për përmirësimin e gjendjes së zbatimit të gjuhëve zyrtare në Klinikën e Pulmologjisë dhe të Alergologjisë
Mar 24, 2022
Drejtori i AZGj-së, Ylber Sela, sot realizoi takim pune në ISHP Klinikën Universitare të Pulmologjisë dhe të Alergologjisë ku u takua me drejtorët e klinikës, prof. dr. Dejan Dokiq dhe Suat Shaqiri. Qëllimi i takimit ishte shqyrtimi i gjendjes rreth zbatimit të Ligjit të Përdorimit të Gjuhëve gjatë funksionimit të klinikës. Drejtori Sela theksoi se është i kënaqur që menaxhmenti i klinikës në fjalë është i hapur për bashkëpunim me AZGJ-në me interes të zbatimit të dispozitave ligjore, për çfarë janë ndërmarrë aktivitete për ndryshimin e tabelave, vulës zyrtare, vulave katrore, memorandumit të akteve zyrtare të klinikës etj. Njëkohësisht, ai u dorëzoi edhe publikime të AZGJ-së dhe shprehu gatishmëri për bashkëpunim rreth përkthimit dhe lekturimit të akteve të përgjithshme, vërtetimeve, formularëve që i përgatit kjo klinikë. Të dyja palët u dakorduan për bashkëpunim të mëtejshëm në interes të pacientëve si përdorues të fundit të shërbimeve shëndetësore. Shkup, 23.3.2022
Java e dytë e trajnimit të përkthyesve dhe të lektorëve të institucioneve publike
Mar 24, 2022
Këtë javë ka vazhduar trajnimi i përkthyesve dhe i lektorëve të gjuhës shqipe në institucionet publike të vendit. Temat e kësaj jave të dytë janë aspektet terminologjike për të cilat ligjëron profesori Ismet Osmani, ndërkaq për aspektet gramatikore gjatë përkthimit ligjëron profesori Asllan Hamiti. Trajnimi është i projektuar në format temash, pra për çdo javë ka nga dy tema për të cilat ligjërojnë dy njohës të gjuhës shqipe dhe të çështjeve të përkthimit. Shkup, 22.3.2022
Takim ndërinstitucional me NP-në Pyjet Nacionale
Mar 24, 2022
Sot drejtori i Agjencisë së Zbatimit të Gjuhës (AZGj), Ylber Sela i shoqëruar nga ekipi i tij, realizoi një takim pune me NP-në Pyjet Nacionale, ku u prit nga homologu i vet, Juliana Nikollovska dhe zëvendësdrejtori Berat Dehari. Me këtë rast, bashkëbiseduesit diskutuan për sfidat e zbatimit të Ligjit të Përdorimit të Gjuhëve në institucionet përkatëse. Drejtori Sela konfirmoi mbështetjen e AZGJ-së për këtë institucion, duke theksuar që AZGJ-ja është në dispozicion të çdo institucioni që ka nevojë për mbështetje gjuhësore. Shkup, 21.3.2022
Takim ndërinstitucional me Fondin e Inovacioneve dhe të Zhvillimit Teknologjik
Mar 21, 2022
Sot drejtori i Agjencisë së Zbatimit të Gjuhës (AZGj), Ylber Sela i shoqëruar nga ekipi i tij, realizoi një takim pune me Fondin e Inovacioneve dhe të Zhvillimit Teknologjik (FIZhT), ku u prit nga homologu i vet, Festim Halili. Ky takim është në shërbim të mbështetjes që AZGj-ja ua ofron të gjitha institucioneve publike të vendit. Me këtë rast, Sela dhe Halili biseduan për bashkëpunim ndërinstitucional në sferën e gjuhësisë. Konkretisht u fol për konsultime rreth aspekteve terminologjike dhe të përkthimit të formularëve dhe të dokumenteve të tjera të cilat Agjencia merr përsipër që t’ia përkthejë Fondit. Palët ranë dakord që të vazhdojnë komunikimin dhe bashkëpunimin e mëtejmë. Shkup, 21.3.2022
Takim zyrtar me drejtorin e Agjencisë së Rezervave të Detyrueshme të Naftës
Mar 17, 2022
Sot, drejtori i Agjencisë së Zbatimit të Gjuhës (AZGj), Ylber Sela priti në takim, Hulusi Beqirin, drejtor i Agjencisë së Rezervave të Detyrueshme të Naftës. Me këtë rast, Sela dhe Beqiri diskutuan për sfidat e zbatimit të Ligjit të Përdorimit të Gjuhëve në institucionet përkatëse. Drejtori Sela konfirmoi mbështetjen e AZGJ-së për këtë agjenci, duke theksuar që AZGJ-ja është në dispozicion të çdo institucioni që ka nevojë për mbështetje gjuhësore. Shkup, 15.3.2022
Mbështetje institucionale për DHP-në
Mar 16, 2022
Pas disa kërkesave zyrtare, sot u realizua një takim pune ndërmjet Agjencisë së Zbatimit të Gjuhës (AZGj) dhe Drejtorisë së të Hyrave Publike (DHP). Me këtë rast, drejtori i AZGj-së Ylber Sela ofroi mbështetjen institucionale siç e parasheh Ligji i Përdorimit të Gjuhëve që edhe në këtë drejtori të fillojë zbatimi konkret i këtij ligji. Nikoqirët, përgjegjësit e çështjeve juridike u interesuan për disa pika konkrete të ligjit për të cilat kishin paqartësi. Pasi sqaroi çështjet konkrete, drejtori Sela u zotua për mbështetje të drejtpërdrejtë në përkthimin e formularëve të ndryshëm, duke filluar nga ato që përdoren më së shpeshti. Shkup, 15.3.2022
Njoftime
Shiko të gjithaBuletin
Shiko të gjithaFurnizime Publike
Shiko të gjithaInformacion kontakti
-
St., "Philip the Second of Macedonia" no. 11,
3rd floor Skopje, Republic of North Macedonia -
Phone number
02 312 1731
- Email
info@apj.gov.mk - Email