AZGj-ja dhe Komuna e Gazi Babës nisin bashkëpunimin e ndërsjellë
Apr 19, 2022
Drejtori i Agjencisë së Zbatimit të Gjuhës (AZGj), Ylber Sela i shoqëruar nga ekipi i tij vizitoi Komunën e Gazi Babës, ku pati takim pune me kryetarin Boban Stefkovskin.
Në këtë takim u diskutuan të dhënat e publikuara së fundmi nga regjistrimi i popullsisë, i amvisërive dhe i banesave në Republikën e Maqedonisë së Veriut, në pajtim me të dhënat në komunën e Gazi Babës, ku krahas gjuhës maqedonase, edhe shqipja bëhet zyrtare.
Drejtori Sela i falënderoi për mundësinë e takimit dhe i ofroi ndihmë dhe mbështetje kryetarit Stefkovski për të filluar zbatimin e Ligjit të Përdorimit të Gjuhëve në komunë, me udhëzime konkrete se si të fillojë dhe të drejtohet ky proces në fazën e parë.
Nga ana tjetër, kryetari Stefkovski shprehu gatishmëri dhe vullnet për të realizuar atë që është detyrim ligjor dhe pret përkrahje dhe bashkëpunim ndërmjet dy palëve për realizimin e mëtutjeshëm me sukses të këtij procesi.
Të dy bashkëbiseduesit u pajtuan se komunikimi ndërinstitucional do të vazhdojë edhe në periudhën e ardhshme, me dinamikë të shtuar, në interes të zbatimit të detyrimeve ligjore dhe të realizimit të të drejtave të qytetarëve të komunës së Gazi Babës që e flasin gjuhën shqipe.
Shkup, 12.4.2022
You might also like
Njoftime
Shiko të gjithaBuletin
Shiko të gjithaFurnizime Publike
Shiko të gjithaInformacion kontakti
-
St., "Philip the Second of Macedonia" no. 11,
3rd floor Skopje, Republic of North Macedonia -
Phone number
02 312 1731
- Email
info@apj.gov.mk - Email