Zbatimi i gjuhës shqipe në Inspektoratin Shtetëror të Punës – shembull që duhet ta ndjekin të gjithë funksionarët
Sep 19, 2019
Zbatimi i gjuhës shqipe në institucionet shtetërore dalëngadalë po bëhet realitet i pranueshëm dhe normal pa e dëmtuar askend. Kështu, si shembull pozitiv mund të merret Inspektorati Shtetëror i Punës i Republikës së Maqedonisë së Veriut, i cili tanimë ka vënë në zbatim të plotë përdorimin zyrtar të gjuhës shqipe në të gjitha aktet dhe dokumentet. Duke filluar që nga tabela e emërtimit, e vendosur në hyrje të këtij institucioni, e deri te shkresa më e thjeshtë, të gjitha i ka bërë dhe vazhdon t’i bëjë në dy gjuhë, pra maqedonisht dhe shqip. E gjithë kjo punë është bërë në saje të vullnetit dhe ngulmimit të drejtorit të këtij institucioni, zotit Alajdin Havziut i cili me pedantërinë dhe përkushtimin e tij, në mënyrë plotësisht ligjore, vetëm me dy përkthyes ka arritur ta vërë në përdorim zyrtar gjuhën shqipe. Mbase ky rast mund të shërbejë si shembull i mirë edhe për të gjithë drejtorët dhe funksionarët e tjerë të cilët ligjin e kanë zbatur pjesërisht ose që nuk e kanë filluar fare për arsye të ndryshme. Shkup, 18.9.2019 [gallery ids="1837,1831,1834"]
Agjencia për Zbatimin e Gjuhës dhe Shoqata e Përkthyesve dhe Interpretuesve e Maqedonisë do të bashkëpunojnë në të ardhmen
Sep 18, 2019
Dje u realizua një takim zyrtar ndërmjet Agjencisë për Zbatimin e Gjuhës (AZGJ) dhe Shoqatës së Përkthyesve dhe Interpretuesve të Maqedonisë (SHPIM). Drejtori i AZGJ-së, Ylber Sela, mirëpriti kryetaren e SHPIM-së, Ognena Nikulski, të cilën e njoftoi me aktivitetet, sfidat, pengesat dhe planet e Agjencisë, për të ardhmen. Në anën tjetër, kryetarja Nikulski informoi në lidhje me projektet në të cilat po punon SHPIM-ja, si edhe mundësitë ekzistuese të bashkëpunimit dypalësh. Krahas aspekteve të bashkëpunimit, Sela dhe Nikulski diskutuan edhe për mundësinë e nënshkrimit të një Memorandumi për Bashkëpunim, që do ta thellonte bashkëveprimin dypalësh në projekte të ndryshme që kanë të bëjnë me përkthimin dhe lekturën. Shkup, 17.9.2019 [gallery bgs_gallery_type="slider" ids="1803,1800"]
Një ekip i Agjencisë për Zbatimin e Gjuhës vizitoi kreun e Qytetit të Shkupit, Petre Shilegov
Sep 13, 2019
Sot, drejtori i Agjencisë për Zbatimin e Gjuhës (AZGJ), Ylber Sela, realizoi takim me Petre Shilegovin, kryetar i Qytetit të Shkupit. Me këtë rast, Shilegov u interesua për punët dhe sfidat me të cilat po përballet AZGJ-ja. Pas njoftimit për çështjet rreth funksionimit të Agjencisë, drejtori Sela informoi se qytetarët po ankohen për mungesë formularësh në gjuhën shqipe dhe emërtim të institucioneve dhe informata të tjera në Qytetin e Shkupit. Në anën tjetër, Shilegov theksoi se tashmë janë marrë masat dhe se janë angazhuar përkthyes që po merren me aspektet gjuhësore. Sela dhe Shilegov ranë në ujdi që të dyja institucionet të formojnë grupe pune për të shqyrtuar mangësitë e përdorimit të gjuhës shqipe, zgjidhjen e tyre dhe deri ku ka arritur zbatimi i saj. Palët u zotuan se do të ketë edhe bashkëpunime të mëtutjeshme ndërinstitucionale. [gallery ids="1790,1787,1784"]
U realizua takimi i dytë me përfaqësues të Komisionerit të Lartë të OSBE-së të Pakicave Kombëtare
Sep 11, 2019
Në zyrat e Agjencisë për Zbatimin e Gjuhës (AZGJ) u realizua takimi i dytë me përfaqësues të Komisionerit të Lartë të OSBE-së të Pakicave Kombëtare. Drejtori i AZGJ-së, Ylber Sela, i informoi në lidhje me të arriturat e deritanishme të Agjencisë, që nga takimi i parë, pastaj për punësimet e para që do të bëhen nga dita e hënë. Ai gjithashtu informoi edhe për periudhën e ngelur deri në fund të këtij viti dhe planet e strategjitë që ka Agjencia për vitin e ardhshëm. Në takim u fol edhe për sfidat që ka Agjencia për funksionimin e plotë, në aspekt të inventarit, stafit që është në kompletim e sipër dhe gjëra të tjera teknike. Përfaqësuesit e OSBE-së u interesuan kryesisht edhe në lidhje me harmonizimin e punës ndërmjet AZGJ-së dhe Inspektoratit të Gjuhës, i cili sakaq duhet të themelohet. 10.9.2019 Shkup
Avokati i Popullit mbështet punën e Agjencisë për Zbatimin e Gjuhës
Sep 11, 2019
Drejtori i Agjencisë për Zbatimin e Gjuhës (AZGJ), Ylber Sela, realizoi takim pune me Avokatin e Popullit, Ixhet Memeti. Me këtë rast, Avokati i Popullit shfaqi interesimin e tij rreth ngritjes së AZGJ-së, si dhe çështjet me të cilat është e ngarkuar që të merret. Drejtori Sela e njoftoi Avokatin e Popullit për punën, aktivitetet, pengesat, si dhe planet e Agjencisë, për të ardhmen. Gjithashtu, Avokati i Popullit u njoftua rreth përgatitjes së materialeve të Agjencisë, si Broshura, Udhëzuesi dhe Udhërrëfyesi, të cilat janë në përgatitje e sipër. Në takim, Avokati i Popullit ofroi mbështetjen e tij për Agjencinë, duke dhënë disa këshilla dhe ide se si të veprohet më tutje. Palët nuk përjashtojnë mundësinë e bashkëpunimit në të ardhmen e afërt në projekte të ndryshme. 10.9.2019 Shkup [gallery ids="1752,1755,1758,1761"]
Agjencia për Zbatimin e Gjuhës ofroi mbështetje institucionale për Entin Shtetëror të Statistikës
Sep 11, 2019
Drejtori i Agjencisë për Zbatimin e Gjuhës (AZGJ), Ylber Sela, qëndroi në zyrat e Entit Shtetëror të Statistikës (ESHS), ku u takua me drejtorin e këtij enti, Apostoll Simovksi, me zëvendësdrejtorin Zirap Ademi dhe koordinatoren Jasmina Gjorgjieva. Në takim, drejtori i ESHS-së, Simovski njoftoi rreth aspektit të përdorimit të gjuhës shqipe në këtë institucion në lidhje me përkthimin e materialeve të ndryshme dhe formularëve, duke theksuar se ngelet shumë punë për t’u realizuar te formularët elektronikë. Në anën tjetër, drejtori i AZGJ-së, Ylber Sela, bëri të ditur se vizita ka karakter ndihmës për zbatimin e Ligjit për Përdorimin e Gjuhëve, duke ofruar ndihmë konkrete, nëse ESHS-ja ka nevojë. Palët u pajtuan se sfidat e zbatimit të Ligjit për Përdorimin e Gjuhëve duhet të tejkalohen, pse jo edhe përmes bashkëpunimit dypalësh. 10.9.2019 Shkup
Instituti Albanologjik i Prishtinës dhe Agjencia për Zbatimin e Gjuhës do të realizojnë projekte të përbashkëta
Sep 10, 2019
Në kuadër të takimeve ndërinstitucionale, drejtori i Agjencisë për Zbatimin e Gjuhës, Ylber Sela, vizitoi Institutin Albanologjik të Prishtinës, ku u prit nga kreu i këtij institucioni, Hysni Matoshi, Sekretari Sylë Kasumaj dhe albanologu Qemal Murati. Me këtë rast, drejtori Sela e njoftoi Institutin Albanologjik për organizimin e Agjencisë për Zbatimin e Gjuhës, punën e deritanishme, sfidat, pengesat dhe planet për të ardhmen. Në takim palët janë pajtuar që të dy institucionet duhet të bashkëpunojnë dhe se kjo duhet të realizohet përmes nënshkrimit të një marrëveshjeje konkrete dypalëshe. Drejtori Sela ka kërkuar mbështetje përmes përvojës së Institutit Albanologjik, sidomos në sferën e botimeve, konferencave, seminareve dhe përpilimit të fjalorëve terminologjik. Njëkohësisht, Sela ftoi kreun e këtij Instituti që ta vizitojnë Agjencinë për Zbatimin e Gjuhës, për të konkretizuar bashkëpunimin dypalësh. 9.9.2019 Prishtinë
Komisioni i Venedikut interesohet për Ligjin për Përdorimin e Gjuhëve dhe Agjencinë për Zbatimin e Gjuhës
Sep 6, 2019
Një delegacion i Komisionit të Venedikut qëndroi sot në Shkup, ku vizitoi edhe Agjencinë për Zbatimin e Gjuhës. Komisioni në fjalë u interesua për Ligjin për Përdorimin e Gjuhëve në përgjithësi, si dhe për aktivitetet e Agjencisë, në veçanti. Me këtë rast, Komisioni i Venedikut u prit nga drejtori i Agjencisë, Ylber Sela, i cili e njoftoi delegacionin për mbarëvajtjen e punëve në Agjencinë për Zbatimin e Gjuhës. Komisioni u njoftua hollësisht për fillimin me punë të Agjencisë, sfidat, problemet, si dhe për projektet e planifikuara të realizohen në të ardhmen e afërt. Delegacioni i Komisionit të Venedikut u interesua të dijë diçka më shumë për gjendjen me zbatimin e gjuhës shqipe, si dhe me pengesat apo kundërshtimet e mundshme që mund të shfaqen ndaj procesit në fjalë. Agjencia theksoi se duhet të vazhdohet ritmi i zbatimit të gjuhës shqipe, si dhe të punohet drejt një Maqedonie shumetnike, shumëkulturore, shumëgjuhësore, e mbi të gjitha evropiane. [gallery ids="1709,1706,1703,1700,1697,1694"]
Bashkëpunim ndërmjet Agjencisë për Zbatimin e Gjuhës dhe NPQ “Shkupi”, për zbatimin e gjuhës shqipe
Sep 5, 2019
Zëvendësdrejtori i NPQ “Shkupi”, Blerim Ismaili, vizitoi Agjencinë për Zbatimin e Gjuhës, ku u prit nga drejtori i kësaj agjencie, Ylber Sela. Me këtë rast, zëvendësdrejtori Ismaili njoftoi për procesin e zbatimit të gjuhës shqipe në këtë ndërmarrje publike, për pengesat si dhe sfidat që dalin nga ky proces. Nga ana tjetër, drejtori i Agjencisë për Zbatimin e Gjuhës, Ylber Sela, ofroi mbështetjen e Agjencisë për aspektet drejtshkrimore të gjuhës shqipe dhe për zbatimin e plotë të saj. Palët u dakorduan që takime të këtilla të mbahen edhe në të ardhmen, sepse kjo do të ndihmojë në thellimin e bashkëpunimit ndërmjet Agjencisë për Zbatimin e Gjuhës dhe NPQ “Shkupi”, si dhe në lehtësimin e procesit të zbatimit të gjuhës shqipe. 4.9.2019 Shkup [gallery ids="1677,1680,1683"]
Agjencia për Zbatimin e Gjuhës priti përfaqësues të Seksionit të Dimensionit Njerëzor të Misionit të OSBE-së në Shkup
Sep 4, 2019
Kryesuesi i këtij Seksioni, Alessio Zuccarini, dhe përfaqësuesja Tatjana Temellkoska u pritën sot nga drejtori i Agjencisë, Ylber Sela, ndërkaq temë bisede ishte puna dhe aktiviteti i Agjencisë për Zbatimin e Gjuhës. Në takim, përfaqësuesit e Dimensionit Njerëzor u njoftuan për aktivitetet e deritanishme të Agjencisë, sfidat, pengesat, si dhe planet e idetë për të ardhmen. Drejtori Sela falënderoi OSBE-në për ndihmën që deri tani ia ka dhënë Maqedonisë së Veriut, duke kërkuar mbështetje dhe bashkëpunim për projekte të sferës së gjuhës dhe bashkëpunimit ndëretnik në Maqedoninë e Veriut. Nga ana tjetër, Zuccarini u shpreh se janë të gatshëm të ofrojnë mbështetjen e tyre, aq sa OSBE-ja ka kapacitete. Në këtë drejtim, u propozuan mundësi për nënshkrimin e një Memorandumi të Mirëkuptimit ndërmjet Agjencisë dhe seksionit përkatës të OSBE-së, përgatitje të grupeve të bashkërendimit të bashkëpunimit në realizimin e projekteve të interesit të përbashkët, mbështetje konkrete nga OSBE-ja edhe për aspektet e funksionimit të Agjencisë, etj. Palët u pajtuan se e ardhmja e vendit është krijimi i një shoqërie shumetnike, shumëkulturore dhe shumëgjuhësore që do të lëvizë drejt Bashkimit Evropian, si e vetmja rrugë drejt përparimit dhe zhvillimit të vendit. 4.9.2019 Shkup [gallery ids="1669,1666,1663,1660,1657,1654"]
Njoftime
Shiko të gjithaBuletin
Shiko të gjithaFurnizime Publike
Shiko të gjithaInformacion kontakti
-
St., "Philip the Second of Macedonia" no. 11,
3rd floor Skopje, Republic of North Macedonia -
Phone number
02 312 1731
- Email
info@apj.gov.mk - Email