Vizitë pune në SHA “MEPSO”
Dec 1, 2021
Drejtori i Agjencisë së Zbatimit të Gjuhës (AZGJ), Ylber Sela, i shoqëruar nga ekipi i tij, sot ka vizituar SHA “MEPSO”-n, ku ka pasur takim pune me drejtorin e përgjithshëm, kryetarin e Bordit Drejtues, Kushtrim Ramadani, ku morën pjesë edhe anëtarë të Bordit Drejtues të SHA “MEPSO”. Vizita u realizua me nismë të drejtorit Sela, për ta parë situatën rreth zbatimit të Ligjit të Përdorimit të Gjuhëve në SHA “MEPSO”, u diskutua për disa dilema dhe vendosjen e bashkëpunimit ndërmjet dy palëve për çështjet që kanë të bëjnë me përdorimin e gjuhëve zyrtare. Për shkak të zhvillimit të pandërprerë të proceseve të punës, drejtori Sela ofroi mbështetje në pjesën e ndihmës profesionale për lekturimin e formularëve dhe dokumenteve zyrtare. Nga ana tjetër, z. Ramadani e njoftoi bashkëbiseduesin për hapat e deritanishëm në zbatimin e ligjit dhe shprehu gatishmërinë dhe vullnetin për përmirësimin dhe avancimin e situatës sa i përket përdorimit të gjuhës shqipe, përmes procesit të bashkëpunimit dhe me mbështetjen e AZGJ-së. Në fund të takimit, drejtori Sela i dorëzoi bashkëbiseduesit një komplet botimesh të botuara nga AZGJ-ja, lidhur me zbatimin e Ligjit të Përdorimit të Gjuhëve. [gallery size="publisher-lg" bgs_gallery_type="slider" bgs_gallery_image_size="full" ids="7248,7251,7254"]
Zbatimi i Ligjit të Përdorimit të Gjuhëve – tema e takimit me Inspektoratin e Përdorimit të Gjuhëve
Nov 29, 2021
Agjencinë e Zbatimit të Gjuhës të RMV-së sot e vizitoi drejtori i Inspektoratit të Përdorimit të Gjuhëve, z. Fatmir Iseni, i cili u mirëprit nga kolegu i tij, drejtori Ylber Sela. Tema e bisedës së takimit të punës ishte zbatimi i Ligjit të Përdorimit të Gjuhëve dhe vështrimi i gjendjes në raport me zbatimin e deritanishëm të saj. Drejtori Sela u njoh me vijimin e përgatitjeve të Inspektoratit në pjesën e licencimit të inspektorëve, të cilët do të kryejnë mbikëqyrje dhe monitorim inspektues lidhur me zbatimin e Ligjit të Përdorimit të Gjuhëve në nivel institucional, njëkohësisht i ofroi edhe mbështetje drejtorit Iseni në pjesën e fillimit të aktiviteteve në terren për përcaktimin e gjendjes faktike lidhur me zbatimin e tërësishëm dhe konsekuent të aktvendimit ligjor, nëpërmjet zbatimit joselektiv të instrumenteve të mbikëqyrjes inspektuese. Të dy bashkëbiseduesit u dakorduan se bashkëpunimi mes AZGJ-së dhe Inspektoratit të Përdorimit të Gjuhëve është në një nivel të lartë dhe se interesi i përbashkët është sigurimi i mundësive të njëjta të qytetarëve gjatë realizimit dhe mbrojtjes së të drejtave të tyre, me respektimin e ligjit në aspektin e realizimit të përpjekjeve qeveritare për krijimin e një shoqërie për të gjithë qytetarët. [gallery bgs_gallery_type="slider" bgs_gallery_image_size="full" size="publisher-lg" ids="7206,7209"]
AZGJ-ја dhe Qendra për Arsim Profesional dhe Trajnime nisin bashkëpunimin
Nov 26, 2021
Drejtori i Agjencisë së Zbatimit të Gjuhës, Ylber Sela, sot ka realizuar takim pune me drejtorin e Qendrës për Arsim Profesional dhe Trajnime, z. Sherif Miftari dhe Ali Shahini përkthyes profesional në këtë institucion, i cili siguron përkrahje dhe zhvillim të arsimit profesional në të gjitha subjektet e interesuara për arsim profesional në Republikën e Maqedonisë së Veriut. Gjatë këtij takimi drejtori Sela dhe drejtori i Qendrës për Arsim Profesional dhe Trajnime biseduan lidhur me Zbatimin e Ligjit të Përdorimit të Gjuhëve në institucionet shtetërore, ndërkaq drejtori Sela ofroi mbështetje për lekturë të të gjitha materialeve nga drejtimet dhe programet mësimore që ata i përgatisin. Bashkëbiseduesit u dakorduan për bashkëpunime të mëtejshme në të ardhmen mes dy institucioneve, në mënyrë që nxënësve t’u sigurohet mësim programor sa më cilësor. Drejtori Sela edhe njëherë apelon te të gjitha institucionet që kanë nevojë për lekturë profesionale, të materialeve që kanë rëndësi të veçantë për gjuhën, të dërgohen te ne në Agjenci, në mënyrë që të kemi përkthime sa më cilësore dhe më pak gabime gjuhësore. [gallery bgs_gallery_type="slider" bgs_gallery_image_size="full" size="publisher-lg" ids="7181,7193,7184"]
AZGJ-ja dhe TIKA po intensifikojnë bashkëpunimin
Nov 24, 2021
Sot, delegacioni i Agjencisë Turke për Bashkëpunim dhe Koordinim - TIKA në Republikën e Maqedonisë së Veriut, e udhëhequr nga z. Halim Omer Sogut, koordinator programi i TIKA-s në Shkup, e vizitoi Agjencinë e Zbatimit të Gjuhës së RMV-së, me ç’rast u mirëprit nga drejtori Ylber Sela. Vizita e delegacionit të TIKA-s është vizitë kthyese në Agjenci pas takimit të punës së drejtorit Sela me ekipin e tij në selinë e TIKA-s në Shkup, në shtator të këtij viti. Drejtori Sela e shprehu kënaqësinë e tij ndaj bashkëbiseduesit për zhvillimin pozitiv të deritanishëm të marrëdhënieve me TIKA-n, ku u diskutua për mbështetjen e mundshme nga TIKA për furnizimin e pajisjeve teknike për nevojat e AZGJ-së në kryerjen e trajnimeve dhe trajnime të specializuara për përkthim simultan, si dhe organizimin e manifestimeve dhe promovimeve në shqip, në turqisht, në maqedonisht dhe në gjuhë të tjera të pjesëtarëve të komuniteteve, si dhe realizimin e një vizite studimore të ekipit të Agjencisë të institucioneve simotra, si dhe atyre shkencore-arsimore në Republikën e Turqisë. Të dyja palët ranë dakord që AZGJ-ja dhe TIKA hodhën themelet për miqësi të fortë dhe bashkëpunim të ndërsjellë, që do të vazhdojë të zhvillohet në të ardhmen. [gallery size="publisher-lg" bgs_gallery_type="slider" bgs_gallery_image_size="full" ids="7142,7139"]
Biblioteka e AZGJ-së u pasurua edhe me disa fjalorë
Nov 24, 2021
Gjatë vizitës në Tiranë, një delegacion i Agjencisë së Zbatimit të Gjuhës, të kryesuar nga drejtori Ylber Sela, u takua edhe me zëvendësrektorin e Akademisë së Studimeve Albanologjike, Valter Memisha. Me këtë rast, me ndihmën e tij arriti të sigurojë një numër të konsiderueshëm fjalorësh të ndryshëm, sidomos fjalorët terminologjikë nga fusha të ndryshme. Tanimë këta fjalorë do ta pasurojnë bibliotekën e AZGJ-së, për nevojat e përkthyesve dhe të lektorëve. [gallery size="publisher-lg" bgs_gallery_type="slider" bgs_gallery_image_size="full" ids="7125,7128"]
Drejtori i Muzeut Historik Kombëtar të Shqipërisë, Dorian Koçi e vizitoi AZGJ-në
Nov 24, 2021
Gjatë ditës së djeshme, Agjencinë e Zbatimit të Gjuhës të RMV-së e vizitoi drejtori i Muzeut Historik Kombëtar të Shqipërisë, Dorian Koçi, të cilin e priti homologu i tij Ylber Sela. Me këtë rast drejtori i AZGJ-së, Ylber Sela e njoftoi atë lidhur me punën që po bën ky institucion në aspektin e zbatimit të gjuhës shqipe në nivelet zyrtare. Po ashtu, të dy homologët shkëmbyen shumë ide duke biseduar edhe mundësinë e bashkëpunimit ndërmjet këtyre dy institucioneve. [gallery bgs_gallery_type="slider" size="publisher-lg" bgs_gallery_image_size="full" ids="7113,7116"]
AZGJ-ja promovoi librin “Gjuha shqipe para dhe pas miratimit të Ligjit të Përdorimit të Gjuhëve të vitit 2019”
Nov 22, 2021
Në praninë e një numri të madh pjesëmarrësish, përfaqësues të jetës politike, arsimore, kulturore e shkencore, në mesin e të cilëve edhe kryetari i Kuvendit të RMV-së, Talat Xhaferi dhe zëvendëskryeministri i parë të Qeverisë së RMV-së, Artan Grubi, në amfiteatrin e UEJL-së në Shkup u promovua libri me titull “Gjuha shqipe para dhe pas miratimit të Ligjit të Përdorimit të Gjuhëve të vitit 2019” të bashkautorëve Ylber Sela, Jusuf Zejneli, Jeton Shasivari, Argëtim Saliu, Llazo Matovski dhe Valbona Hajretini. Në fillim, të pranishmit i përshëndeti drejtori i AZGJ-së, Ylber Sela i cili foli për punën e palodhur të autorëve, si dhe për ekipet e AZGJ-së, të cilat punuan rreth përgatitjes dhe botimit të këtij libri. Një fjalë rasti e mbajti edhe zëvendëskryeministri i parë i Qeverisë së RMV-së, Artan Grubi, i cili theksoi rolin e rëndësishëm të AZGJ-së dhe të Inspektoratit të Përdorimit të Gjuhëve, si dy institucione të cilat kujdesen për ta zbatuar gjuhën shqipe në nivelet zyrtare. Po ashtu, të pranishmit i përshëndeti edhe zëvendësrektori i Akademisë së Studimeve Albanologjike në Tiranë, prof. dr. Valter Memisha. Ndërkaq, për vlerat e librit në fjalë folën recensentët prof. dr. Adnan Jashari dhe prof. dr. Izer Maksuti, të cilët i vunë në dukje disa nga aspektet e këtij studimi që ka të bëjë me ecurinë dhe avancimin ligjor të gjuhës shqipe në RMV. Në fund, në emër të autorëve doli prof. dr. Jeton Shasivari. [gallery size="publisher-lg" bgs_gallery_type="slider" bgs_gallery_image_size="full" ids="7089,7092,7095,7098,7101,7104"]
Agjencia e Zbatimit të Gjuhës e RMV-së dhe Universiteti “Ukshin Hoti” zyrtarizojnë bashkëpunimin e shkëlqyer
Nov 22, 2021
Agjencia e Zbatimit të Gjuhës e RMV-së e përfaqësuar nga drejtori Ylber Sela dhe Universiteti “Ukshin Hoti” nga Prizreni, e përfaqësuar nga rektori prof. dr. Samedin Krrabaj, kanë nënshkruar Marrëveshje bashkëpunimi. Marrëveshja paraqet formalizim të bashkëpunimit midis të dy palëve në realizimin e aktiviteteve të përbashkëta, në organizimin e takimeve shkencore, ligjëratat nga ana e ekspertëve gjuhësorë të gjuhës dhe kulturës shqipe, realizimin e projekteve të përbashkëta shkencore, shkëmbimin e botimeve, si dhe aktivitete të tjera. Universiteti “Ukshin Hoti” është institucion publik shkencor-arsimor me seli në Prizren të Republikës së Kosovës, nënshkrimi i dokumentit të tillë me AZGJ-në do të mundësojë vendosjen e themeleve të forta për bashkëpunim midis palëve nënshkruese. [gallery bgs_gallery_type="slider" bgs_gallery_image_size="full" size="publisher-lg" ids="7074,7077,7080"]
Fjalë përshëndetëse e drejtorit të AZGJ-së, Ylber Sela në promovimin e librit “Arbëreshët midis realitetit dhe mitit” të Fatmir Toçit
Nov 17, 2021
Në mjediset e Muzeut Historik Kombëtar në Tiranë, dje u promovua libri me titull “Arbëreshët midis realitetit dhe mitit” të autorit Fatmir Toçi. Para shumë pjesëmarrësve, përfaqësues të jetës kulturore, shkencore, politike, mediatike, në mesin e të cilëve edhe ish-kryetari Shqipërisë, Alfred Mojsiu, për librin folën Dorian Koçi dhe Rami Memushaj. Po ashtu, të pranishmit i përshëndeti edhe drejtori i Agjencisë së Zbatimit të Gjuhës, Ylber Sela, i cili theksoi se ky libër del në dritë dhe përputhet me aktivitetet që po zhvillohen në RMV, në suaza të Ditëve të Alfabetit, ku si temë janë arbëreshët, gjuha, kultura, letërsia dhe tradita e tyre. Në këtë mënyrë, vijoi më tej ai, është e nevojshme të theksohet se vëmendja dhe kujdesi ndaj arbëreshëve vazhdon të rritet gjithandej. Prandaj, edhe ky libër i Fatmir Toçit duket se është i tillë dhe shpresoj të hapë horizonte për t’i njohur arbëreshët më mirë, sidomos t’u shërbejë përfaqësuesve të politikës për të ndihmuar më shumë për sa i përket kësaj diaspore të vjetër e cila e ruajti qenien kombëtare deri në ditët e sotme, theksoi drejtori Ylber Sela. [gallery size="publisher-lg" bgs_gallery_type="slider" bgs_gallery_image_size="full" ids="6967,6970"]
Mirënjohje e AZGJ-së për gazetarin Seladin Xhezairi
Nov 16, 2021
Doajeni i gazetarisë shqiptare, Seladin Xhezairi, i cili u pensionua këto ditë, dje e vizitoi Agjencinë e Zbatimit të Gjuhës, të cilin e priti drejtori Ylber Sela me bashkëpunëtorët e tij. Me këtë rast ai i shprehu mirënjohje të thellë për punën profesionale në TV KLAN, si dhe për kujdesin që ka treguar ndaj AZGJ-së që nga fillimi i saj, duke i lënë përherë hapësirë për t’i prezantuar sukseset e saj në aspektin e zbatimit të gjuhës shqipe në institucionet shtetërore. Po ashtu, drejtori Y. Sela ia dhuroi edhe disa nga botimet e AZGJ-së, si dhe një gravurë në shenjë kujtimi.
Njoftime
Shiko të gjithaBuletin
Shiko të gjithaFurnizime Publike
Shiko të gjithaInformacion kontakti
-
St., "Philip the Second of Macedonia" no. 11,
3rd floor Skopje, Republic of North Macedonia -
Phone number
02 312 1731
- Email
info@apj.gov.mk - Email