Prezantimi i e-bazës së rregullave të Gazetës Zyrtare të Republikës së Maqedonisë së Veriut
Nov 9, 2022
Sot, në Agjencinë e Zbatimit të Gjuhës së RMV-së (AZGJ) përfaqësues të IP Gazeta Zyrtare e Republikës së Maqedonisë së Veriut, kanë mbajtur prezantim të bazës elektronike të rregullave të cilat i disponojnë institucionet publike.Baza elektronike e rregullave është mjet i dobishëm që do ta lehtësojë punën e përditshme operative të AZGJ-së, me qasje të mundshme deri te arkivi i pasur me akte legjislative, të organizuara në fusha dhe nënfusha, me opsione për kërkim të shpejtë dhe mundësi për qasje deri te redaksia e rregullave me tekste të konsoliduara.
Përdorimi i gjuhëve zyrtare – temë e diskutimit në IN Filarmonia e Republikës së Maqedonisë së Veriut
Oct 25, 2022
Drejtori i Agjencisë së Zbatimit të Gjuhës së RMV-së, Ylber Sela, e vizitoi Institucionin Nacional Filarmonia e Republikës së Maqedonisë së Veriut, ku u takua me drejtoreshën Tina Ivanova Bejkov, me të cilën biseduan për bashkëpunimin e këtyre dy institucioneve.Drejtori Sela iu falënderua koleges së tij për mikpritjen dhe njëkohësisht i ofroi mbështetje me drejtime të sakta rreth zbatimit të Ligjit të Përdorimit të Gjuhëve në këtë institucion të rëndësishëm nacional e kulturor.Nga ana tjetër, drejtoresha Ivanova Bejkov shprehu vullnetin dhe përgatitjen që ta realizojë detyrimin ligjor, duke theksuar se pret ndihmë dhe bashkëpunim mes dy palëve për realizimin e mëtejmë të suksesshëm të këtij procesi.Të dyja palët ranë dakord që komunikimi i ndërsjellë do të vazhdojë edhe në periudhën e ardhshme për të lehtësuar procesin e harmonizimit të detyrimeve ligjore.
Drejtuesit e Sh.F.K “Kongresi i Manastirit” vizituan AZGj-në
Oct 19, 2022
Drejtori dhe sekretari i shkollës fillore komunale “Kongresi i Manastirit” të fshatit Llopat, Kumanovë, përkatësisht Shpend Muhtari dhe Shukri Bekiri vizituan Agjencinë e Zbatimit të Gjuhës të RMV-së (AZGj).Qëllimi i kësaj vizite ishte njohja dhe informimi më i saktë rreth punës dhe funksionit që ka AZGj-ja si një institucion i themeluar pas miratimit të Ligjit të Përdorimit të Gjuhëve.Drejtori Sela ofroj sqarimet e nevojshme për miqtë, duke u dhënë edhe botimet e AZGj-së.
Deputetja Ermina Lekaj Përlaskaj vizitoi AZGj-në
Oct 13, 2022
Deputetja e kuvendit të Kroacisë, Ermina Lekaj Përlaskaj qëndroi sot në Agjencinë e Zbatimit të Gjuhës (AZGj), ku u prit nga drejtori Ylber Sela.Gjatë kësaj vizite, deputetja Përlaskaj u interesua për rolin, veprimtarinë dhe planet e AZGj-së për të ardhmen.Drejtori Sela e falënderoi për interesimin e treguar, duke pasqyruar veprimtarinë e AZGj-së, nga fillimi e deri më sot.Me këtë rast, palët u dakorduan për një bashkëpunim të mundshëm në të ardhmen.
Bashkëpunim i lidhur me QSHAK “Boro Petrushevski”
Oct 13, 2022
Drejtori i AZGj-së, Ylber Sela, e vizitoi Qendrën Shkollore të Autokomunikacionit “Boro Petrushevski” - Shkup, ku u takua me drejtorin e Qendrës, z. Goranço Nikollovski dhe ndihmësdrejtorin e qendrës z. Zekirija Zekiri.Vizita është pjesë e ciklit të rregullt të vizitave të institucioneve, në të cilën u diskutua për shkallën e zbatimit të Ligjit të Përdorimit të Gjuhëve në punën e Qendrës si institucion publik në Qytetin e Shkupit, e cila kryen veprimtari edukativo-arsimore primare në fushën e komunikacionit, makinerisë dhe autoteknikës, nëpërmjet shkollimit të rregullt dhe me korrespondencë në gjuhën mësimore maqedonase dhe shqipe, portofolio i së cilës përfshin edhe veprimtari të tjera plotësuese.Krahas aktiviteteve të ndërmarra, të dyja palët konstatuan se janë të hapura dhe të përgatitura për rritjen e bashkëpunimit të ndërsjellë në drejtimin e ngritjes së shkallës së harmonizimit me detyrimet ligjore dhe zbatimin e gjuhëve zyrtare në punën e Qendrës.
U shënua 50-vjetori i themelimit të Akademisë së Shkencave të Shqipërisë
Oct 12, 2022
Me ftesë të Akademisë së Shkencave të Shqipërisë (AShSh), drejtori i Agjencisë së Zbatimit të Gjuhës të RMV-së (AZGj), Ylber Sela qëndroi në Tiranë për të marrë pjesë në aktivitetet e shënimit të 50-vjetorit të Akademisë.Aktivitetet filluan me vendosjen e buqetave me lule te bustet e akademikëve themelues, Aleks Buda dhe Eqrem Çabej.Më pastaj, drejtori Sela ndoqi konferencën jubilare kushtuar 50-vjetorit të themelimit të Akademisë së Shkencave në sallën plenare të Kuvendit të Shqipërisë.Gjatë shënimit të këtij 50-vjetori, drejtori Sela u prit edhe nga presidenti, Bajram Begaj, në mjediset e institucionit të Presidentit të Republikës së Shqipërisë.
Drejtori Sela në Panairin e Botimeve Albanologjike
Oct 6, 2022
Në kuadër të bashkëpunimit Tiranë-Prishtinë-Shkup, në Institutin Albanologjik të Prishtinës, më 4-5 tetor 2022, u mbajt Panairi i Botimeve Albanologjike.Me këtë rast, u promovuan disa libra të sferës së albanologjisë, të autorëve të ndryshëm.Në këtë aktivitet mori pjesë edhe drejtori i Agjencisë së Zbatimit të Gjuhës të RMV-së (AZGj), Ylber Sela, i cili shfrytëzoi rastin që të dhurojë disa kopje të botimit më të ri të АZGj-së, “Terminologjia dhe roli i saj për njohjen e gjuhës profesionale”.
Dita Ndërkombëtare e Përkthimit - 30 Shtator
Sep 30, 2022
Dita Ndërkombëtare e Përkthimit - 30 Shtatore shënuar nga AZGJ-ja me një tjetër konferencë të suksesshme shkencoreNë Ministrinë e Punëve të Jashtme të Republikës së Maqedonisë së Veriut u mbajt dita e dytë dhe e fundit e Konferencës Shkencore Ndërkombëtare të cilën e ka organizuar Agjencia e Zbatimit të Gjuhës e RMV-së me temën “Çështjet e standardizimit të toponimisë në RMV”, me rastin e 30 shtatorit – Ditës Ndërkombëtare të Përkthimit.Në fillim mbajtën fjalimet e tyre Liljana Pandeva nga Agjencia e Zbatimit të Gjuhës e RMV-së, si dhe Berton Sulejmani, dekan i Fakultetit të Filologjisë në Universitetin e Tetovës.Në kuadër të ditës së fundit të Konferencës, u mbajt paneli i moderuar nga Remzie Shahini Hoxhaj nga Universiteti i Prishtinës “Hasan Prishtina”, Republika e Kosovës, në të cilin i paraqitën prezantimet e tyre disa punonjës shkencorë nga Republika e Maqedonisë së Veriut, Mali i Zi, Republika e Shqipërisë dhe nga Republika e Kosovës.Ajten Hajdari Qamili nga Universiteti “Shën Kirili dhe Metodij" nga Shkupi trajtoi temën "Toponimet me prapashtesat -ci, -vci dhe -ishte në Republikën e Maqedonisë së Veriut".Nail Draga, punonjës shkencor nga Mali i Zi mbajti prezantimin e tij me temën “Toponimet, dëshmi e vlerave etnokulturore të çdo mjedisi”.Meleq Shopi nga Universiteti "Aleksandër Xhuvani" nga Elbasani, Republika e Shqipërisë pati një prezantim me temën: "Toponimia dygjuhëshe dhe disa probleme në shkrimin e toponimeve në Maqedoninë e Veriut".Olger Brame nga Universiteti "Fan S. Noli” nga Korça, Republika e Shqipërisë mbajti prezantimin e tij me temën “Etimologjia e toponimeve në zonën e Korçës në Fjalorin Etimologjik të Kolec Topalit”, dhe Albina Pajo nga po i njëjti universitet foli për temën “Struktura fjalëformuese e toponimeve në veprën e Mitrush Kutelit”.Bahtiar Kryeziu nga Universiteti i Prishtinës “Hasan Prishtina”, Republika e Kosovës, trajtoi temën “Anamorava sipas emrave të vjetër shqiptarë dhe mitifikimi i tyre”.Rakela Luniku nga Universiteti "Aleksandër Xhuvani" nga Elbasani, Republika e Shqipërisë trajtoi temën "Karakteristikat e strukturave leksiko-gramatikore dhe fjalëformimi i toponimeve në Maqedoninë e Veriut".Manjola Zaçellari nga Universiteti "Aleksandër Moisiu" nga Durrësi, Republika e Shqipërisë dhe Lirim Shabani nga Agjencia e Zbatimit të Gjuhës e RMV-së, iu drejtuan të pranishmëve me prezantimet e tyre me temën "Problemet në emërtimin e rrugëve në shqip dhe standardizimi i tyre në Maqedoninë e Veriut".Fjalim të shkurtër para të pranishmëve mbajti edhe Begzad Baliu nga Universiteti i Prishtinës “Hasan Prishtina”, Republika e Kosovës, për çështjet që kanë të bëjnë me standardizimin e toponimeve.Pas përfundimit të panelit, drejtori i Agjencisë së Zbatimit të Gjuhës së RMV-së, Ylber Sela, e mbylli konferencën duke falënderuar të gjithë pjesëmarrësit për kontributin e dhënë në mbajtjen me sukses të konferencës, duke siguruar se tubime të tilla shkencore janë jashtëzakonisht të rëndësishme sepse i referohen çështjeve të rëndësishme që janë lëndë debati në komunitetin shkencor, si dhe që Agjencia e Zbatimit të Gjuhës e RMV-së do të vazhdojë të organizojë ngjarje të ngjashme në të ardhmen për të shënuar Ditën Ndërkombëtare të Përkthimit.
Filloi Konferenca Shkencore Ndërkombëtare me rastin e Ditës Ndërkombëtare të Përkthimit
Sep 29, 2022
Agjencia e Zbatimit të Gjuhës e RMV-së organizon konferencën shkencore ndërkombëtare dyditore me temën “Çështje të standardizimit të toponimisë në RMV”.Konferenca filloi sot pasdite në amfiteatrin e Ministrisë së Punëve të Jashtme në kuadër të shënimit të Ditës Ndërkombëtare të Përkthimit, me pjesëmarrës të disa nga institucionet shkencore dhe arsimore nga Republika e Maqedonisë së Veriut dhe nga rajoni.Konferencën shkencore e hapi drejtori i AZGJ-së, Ylber Sela, i cili ndër të tjera theksoi se tema e kësaj konference u zgjodh me kujdes sepse është jashtëzakonisht e rëndësishme dhe i referohet çështjeve të standardizimit të toponimisë në Republikën e Maqedonisë së Veriut. “Toponimia paraqet padyshim një degë të rëndësishme shkencore sepse na jep mundësinë t’i referohemi historisë dhe identitetit kulturor të vendeve të caktuara gjeografike. Prandaj, nevoja për zbatimin adekuat të toponimisë është më se e dukshme”, tha ai. Standardizimi i toponimisë është proces i rëndësishëm, vazhdoi drejtori i AZGJ-së, duke theksuar se bashkëpunimi ndërdisiplinor është çelësi i suksesit të tij. “Bashkëpunimi i vendosur i Agjencisë së Zbatimit të Gjuhës së RMV-së me institucionet shkencore dhe ato arsimore brenda dhe jashtë Republikës së Maqedonisë së Veriut, veçanërisht me ato nga Republika e Shqipërisë dhe Republika e Kosovës, mundëson diskutimin e dilemave dhe çështjeve që dalin nga procesi i standardizimit të toponimeve, me qëllim që procesi të jetë funksional, të zbatohet saktë nga pikëpamja gjuhësore dhe të zbatohet me sukses në tërësi”, tha në prezantimin e tij drejtori Ylber Sela.Pas drejtorit Sela, fjalimet e tyre i mbajtën edhe Luan Përzhita, Rektor i Akademisë së Studimeve të Albanologjisë nga Tirana, Republika e Shqipërisë; Skender Asani, drejtor i Institutit të Trashëgimisë Shpirtërore e Kulturore të Shqiptarëve; profesori në pension Agim Vinca dhe profesori Isak Shema nga Republika e Kosovës.Në konferencë u prezantuan edhe punimet me temën “Terminologjia dhe roli i saj në njohjen e gjuhës profesionale”, për të cilën kanë folur Izer Maksuti dhe Xhafer Beqiraj nga Universiteti “Ukshin Hoti” nga Prizreni, Republika e Kosovës, si dhe Zeqirja Ibrahimi nga Instituti i Trashëgimisë Shpirtërore dhe Kulturore të Shqiptarëve.Në fund të ditës së parë të Konferencës, u mbajt edhe paneli ku bënë prezantimet e tyre hulumtuesit shkencorë nga Republika e Maqedonisë së Veriut, Republika e Shqipërisë dhe Republika e Kosovës.Begzad Baliu nga Universiteti i Prishtinës trajtoi temën “Standardet politike të toponimisë në Ballkanin Perëndimor”.Leonora Hisolli nga Universiteti "Fan S. Noli" nga Korça, Republika e Shqipërisë, pati prezantimin e saj me temën "Kontributi i studimeve të Qemal Muratit në standardizimin e toponimisë në RMV", dhe Irena Nikaj nga i njëjti universitet trajtoi temën "Vlera historike dhe kulturore e emrave të vendeve si trashëgimi kulturore”.Berton Sulejmani nga Universiteti i Tetovës iu drejtua të pranishmëve me prezantimin me temën “Toponimia e gjuhës shqipe në komunën e Butelit”, ndërsa Izer Maksuti nga Universiteti “Ukshin Hoti” nga Prizreni, Republika e Kosovës mbajti një prezantim me temën “Toponimia nga këndvështrimi i politikës gjuhësore në shembullin e Tirolit të Jugut dhe Austrisë”.Konferenca vazhdon edhe ditën e nesërme.
U promovua përmbledhja e punimeve shkencore “Terminologjia dhe roli i saj për njohjen e gjuhës profesionale”
Sep 29, 2022
Në suaza të aktiviteteve për shënimin e Ditës Ndërkombëtare të Përkthimit, Agjencia e Zbatimit të Gjuhës e RMV-së promovoi edhe përmbledhjen e punimeve shkencore “Terminologjia dhe roli i saj për njohjen e gjuhës profesionale”. Përmbledhja në fjalë përfshin punimet e konferencës shkencore e cila u mbajt vitin e kaluar për shënimin e kësaj dite ndërkombëtare.Fjalë rasti për këtë botim mbajtën prof. dr. Izer Maksuti, ligjërues në Universitetin “Ukshin Hoti” në Prizren, prof. dr. Xhafer Beqira, ligjërues në Universitetin “Ukshin Hoti” në Prizren dhe dr. Zeqirja Ibrahimi, punonjës shkencor në Institutin e Trashëgimisë Shpirtërore e Kulturore të Shqiptarëve në Shkup. Referuesit në fjalë vunë në dukje vlerat e veçanta të këtij libri lidhur me çështjen e terminologjisë profesionale.
Njoftime
Shiko të gjithaBuletin
Shiko të gjithaFurnizime Publike
Shiko të gjithaInformacion kontakti
-
St., "Philip the Second of Macedonia" no. 11,
3rd floor Skopje, Republic of North Macedonia -
Phone number
02 312 1731
- Email
info@apj.gov.mk - Email