Zv. kryeministri i parë i Republikës së Maqedonisë së Veriut Izet Mexhiti, vizitoi sot në Shkup Agjencinë për Zbatimin e Gjuhës Shqipe.

Nov 14, 2024

Zv. kryeministri i parë i Republikës së Maqedonisë së Veriut Izet Mexhiti, vizitoi sot në Shkup Agjencinë për Zbatimin e Gjuhës Shqipe.

Zv.kryeministri i parë Izet Mexhiti u prit sot nga drejtori i AZGj-së, Granit Osmani dhe stafi i tij drejtues. Ata biseduan rreth punës së vazhdueshme që bën Agjencia për përkthimin, redaktimin dhe zbatimin sa më të drejtë të gjuhës shqipe gjatë procesit të implemetimit të dygjuhësisë në RMV.

Gjatë takimit zoti Mexhiti midis të tjerash tha se do ta mbështesë Agjencinë e Zbatimit të Gjuhës dhe misionin e saj.

Më pas zoti Mexhiti vizitoi auditoret e AZGj-së, u takua me të punësuarit, këshilltarët shtetërorë,drejtuesit e sektorëve, përkthyesit etj.

Pas përfundimit të vizitës në AZGj, Kryeministri i parë Izet Mexhiti, mori pjesë në punimet e Konferencës shkencore me temë “Gjuha dhe etnia”, të cilën e organizon AZGj-ja me rastin e festave kombëtare shqiptare të Nëntorit.

Është nga të rrallat herë që një funksionar i nivelit kaq të lartë viziton dhe mbështet direkt Agjencinë për Zbatimin e Gjuhës shqipe.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk