Vizitë e drejtorit Sela në OEMVP

Oct 22, 2020

Vizitë e drejtorit Sela në OEMVP
Sot, drejtori i Agjencisë së Zbatimit të Gjuhës (AZGJ), Ylber Sela e vizitoi Odën Ekonomike të Maqedonisë Veriperëndimore (OEMVP), ku pati një takim pune me Drilon Isenin, drejtor ekzekutiv i OEMVP-së.
Gjatë takimit, drejtori Sela theksoi se AZGJ-ja është gjithmonë e hapur për bashkëpunim, përfshirë edhe me OEMVP-në, si një trup që organizon, mbron interesat dhe promovon afarizmin në vend dhe jashtë, duke i mbështetur ato në sfidat e konkurrencës globale.
Takimi ishte një mundësi për të marrë informacion në lidhje me situatën aktuale me zbatimin e Ligjit të Përdorimit të Gjuhëve, në punën e OEMVP-së. Në të njëjtën kohë, drejtori Sela u interesua për mundësinë që konsumatorët, çmimet dhe deklaratat për përdorimin e mallrave të shkruhen në gjuhët zyrtare të Republikës së Maqedonisë Veriore.
Palët shprehën gatishmërinë për të vazhduar dhe forcuar më tej bashkëpunimin dypalësh.
[gallery bgs_gallery_type="slider" size="publisher-lg" ids="4790"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk