U dorëzuan solemnisht certifikatat për përkthyes dhe lektorë

Jun 13, 2024

U dorëzuan solemnisht certifikatat për përkthyes dhe lektorë

 

Pas trajnimit katërjavor për përkthyes dhe lektorë, që u mbajt në Agjencinë e Zbatimit të Gjuhës të RMV-së, për të katërtin vit me radhë, ku morën pjesë përfaqësues nga 37 institucione të ndryshme të pushtetit qendror dhe atij lokal, sot në mënyrë solemne iu dorëzuan certifikatat 46 kandidatëve të cilët e ndoqën rregullisht këtë trajnim, nga gjithsej 54 që u paraqitën në fillim.

Në praninë e pjesëmarrësve të shumtë, certifikatat në fjalë i dorëzuan drejtori i AZGJ-së, Ardian Musliu dhe ndihmësshefja e Sektorit të mbështetjes së drejtorit, Shpresa Zeqiri Ibrahimi.

Në këtë trajnim ligjëruan 15 profesorë të njohur të fushës juridike dhe asaj gjuhësore, të cilët trajtuan aspekte që kanë të bëjnë me çështje ligjore të përdorimit të gjuhës në nivele zyrtare, si dhe për shumë çështje të tjera që kanë të bëjnë me gjuhën shqipe në përdorim praktik gjatë përkthimit dhe lekturimit të shkresave e dokumenteve zyrtare.

Trajnimi në fjalë do të vazhdojë edhe vitin e ardhshëm.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk