Përfundoi trajnimi për përkthyes dhe lektorë

Jun 11, 2024

Përfundoi trajnimi për përkthyes dhe lektorë

 

Edhe gjatë këtyre dy ditëve, në Agjencinë e Zbatimit të Gjuhës ka vazhduar trajnimi për përkthyes dhe lektorë, trajnim ky që organizohet nga ky institucion për të katërtin vit me radhë. Duke hyrë në javën e katërt dhe të fundit të këtij trajnimi, pjesëmarrësit e shumtë kanë ndjekur ligjëratat e profesorëve të cilët kanë trajtuar aspekte që kanë të bëjnë me përkthimin dhe lekturimin.

Në të vërtetë, gjatë ditës së djeshme para pjesëmarrësve ka ligjëruar prof. Afet Mahmuti në temën “Përkthimi i teksteve juridike”, si dhe prof. Arta Selmani e cila ka ligjëruar në temë “Përkthimi ligjor (juridik).

Ndërkaq, gjatë ditës së sotme ka ligjëruar prof. Ismail Hamiti në temë “Dëshirorja dhe habitorja në gjuhën shqipe dhe ekuivalentet e tyre përkthimore në gjuhën maqedonase.

Kështu, me këtë cikël ligjëratash u mbyll trajnimi katërjavor për përkthyes dhe lektorë nga AZGJ-ja.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk