Një ish-prokuror amerikan vizitoi AZGJ-në

Oct 13, 2021

Një ish-prokuror amerikan vizitoi AZGJ-në
Sot në Agjencinë e Zbatimit të Gjuhës (AZGJ) qëndroi Xhim Lofton, ish-prokuror amerikan, i cili në Republikën e Maqedonisë së Veriut vjen në kuadër të programit të shkëmbimit të stafit akademik, të njohur si Fulbright.
I shoqëruar nga Ali Musliu dhe Jusuf Zejneli, ligjërues në Universitetin e Tetovës, Lofton u prit nga drejtori i AZGJ-së, Ylber Sela.
Me këtë rast, ai u informua për Ligjin e Përdorimit të Gjuhëve dhe për themelimin e kësaj Agjencie, përfshi veprimtarinë e saj të deritanishme.
Në Universitetin e Tetovës Xhim Lofton do të ligjërojë lëndën Hyrje në sundimin e ligjit.
Sela dhe Lofton biseduan edhe për mundësitë e bashkëpunimit dhe të mbështetjes nëpërmjet vendosjes së lidhjeve me ndonjë organizatë që merret me planifikimin gjuhësor.
[gallery bgs_gallery_type="slider" size="publisher-lg" bgs_gallery_image_size="full" ids="6754,6757,6760"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk