Në prag të ditës së gjuhës amtare AZGJ-ja vizitoi Manastirin

Feb 16, 2026

Në prag të ditës së gjuhës amtare AZGJ-ja vizitoi Manastirin

 

Me rastin e Ditës Ndërkombëtare të Gjuhës Amtare, një grup të punësuarish të Agjencisë së Zbatimit të Gjuhës, të kryesuar nga drejtori Granit Osmani, vizitoi qytetin e Manastirit, përkatësisht bibliotekën “Linkest” dhe Shtëpinë e Alfabetit. Në bibliotekë u pritën nga drejtuesja e saj, Emira Selimi, si dhe një grup nxënësish. Me këtë rast u fol për rëndësinë e vizitës, veçanërisht duke u theksuar ruajtja dhe kultivimi i gjuhës shqipe. Po ashtu bibliotekës iu dhuruan një numër i konsiderueshëm librash, kryesisht botime të AZGj-së.

Në suaza të kësaj vizite, të punësuarit e AZGJ-së vizituan edhe Shtëpinë e Alfabetit, ku u pritën nga drejtori i këtij institucioni, Nuer Arsllani. Me këtë rast u fol për shumë çështje lidhur me bashkëpunimin e ndërsjellë ndërmjet këtyre dy institucioneve.

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk