Konfirmohet bashkëpunimi i mirë me KRRE-në

Mar 5, 2021

Konfirmohet bashkëpunimi i mirë me KRRE-në
Drejtori i Agjencisë së Zbatimit të Gjuhës së RMV-së, Ylber Sela, sot e vizitoi Komisionin Rregullator të Energjetikës dhe të Shërbimeve të Ujit (KRRE) ku realizoi takim me Marko Bislimoskin, kryetar dhe Atanasko Tuneskin, anëtar i KRRE-së.
Të dy institucionet kanë vendosur bashkëpunim dhe dialog të mirë me lekturimin e rregullt nga AZGJ-ja të akteve zyrtare për nevojat e KRRE-së të cilat publikohen në “Gazetën Zyrtare të Republikës së Maqedonisë së Veriut”.
KRRE-ja është një nga institucionet që ka bërë përparim të dukshëm në drejtim të zbatimit të dispozitave të Ligjit të Përdorimit të Gjuhëve. Sa u takon disa çështjeve të caktuara që duhet të harmonizohen në pajtim me detyrimet ligjore, të dyja palët u dakorduan se të njëjtat do të tejkalohen brenda një kohe të shkurtër nëpërmjet bashkëpunimit dhe koordinimit të ndërsjellë. Bashkëbiseduesit u zotuan për vazhdim të bashkëpunimit dhe të ruajtjes së dialogut të rregullt për çështje me interes të përbashkët.
[gallery bgs_gallery_type="slider" size="publisher-lg" bgs_gallery_image_size="full" ids="5502"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk