Drejtori Sela në takim me kryetarin e Këshillit Gjyqësor, Zdravev

Oct 29, 2019

Drejtori Sela në takim me kryetarin e Këshillit Gjyqësor, Zdravev
Drejtori i Agjencisë për Zbatimin e Gjuhës, Ylber Sela, sot realizoi takim pune me kryetarin e Këshillit Gjyqësor të Republikës së Maqedonisë së Veriut, Kiro Zdravev, për t’u njohur nga afër me gatishmërinë e këtij institucioni për të zbatuar gjuhën shqipe në procedurat gjyqësore. Gjatë këtij takimi u fol për nevojën e bashkëpunimit mes dy institucioneve për të tejkaluar vështirësitë që mund të hasen gjatë punës së Këshillit Gjyqësor. Kryetari Zdravev me këtë rast tha se Këshilli Gjyqësor tashmë ka filluar fazën e parë të zbatimit të gjuhës ku përfshihen tabelat, vulat, memorandumet, logot duke theksuar nevojën e një kuadri më profesional përkthyesish dhe të trajnuar mirë për të ndjekur punën e Këshillit. Drejtori Sela, në vazhdën e takimeve të këtilla që realizon me institucione për të ofruar mbështetje të parezervë për zbatimin e drejtë të gjuhës shqipe, tha se Agjencia është e gatshme të ofrojë çfarëdolloj ndihme që kërkohet nga ana e këtij institucioni në mënyrë që secili të realizojë obligimet që burojnë nga Ligji për Përdorimin e Gjuhëve. [gallery size="publisher-lg" bgs_gallery_type="slider" bgs_gallery_image_size="full" ids="2317,2320"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk