AZGJ-ja i përktheu në shqip formularët e MPB-së

Jul 20, 2020

AZGJ-ja i përktheu në shqip formularët e MPB-së
Pas një pune të palodhur, Agjencia e Zbatimit të Gjuhës arriti që t’i përkthejë në gjuhën shqipe dhe t’i lekturojë një numër të madh formularësh të Ministrisë së Punëve të Brendshme – Sektori i çështjeve civile.
Natyrisht kjo erdhi si rezultat i bashkëpunimit të frytshëm të këtyre dy institucioneve, pas një takimi që pati drejtori i AZGJ-së, Ylber Sela, me ndihmësministrin e MPB-së, Xhevdet Azizi. Si rezultat i kësaj, tani e tutje qytetarët shqiptarë për nevojat e tyre do të kenë mundësi që formularët t’i plotësojnë edhe në gjuhën shqipe.
Sigurisht ky angazhim i AZGJ-së do të vazhdojë edhe më tej për t’i pëmbushur detyrimet e saj, duke i ndihmuar intitucionet e tjera. Prandaj i inkurajon ato që t’i drejtohen AZGJ-së dhe të kërkojnë ndihmë.
[gallery bgs_gallery_image_size="full" bgs_gallery_type="slider" size="full" ids="4212"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk