AZGJ-ja dhe Fondacioni Fridrih Ebert u dakorduan për bashkëpunim të përbashkët

Nov 11, 2021

AZGJ-ja dhe Fondacioni Fridrih Ebert u dakorduan për bashkëpunim të përbashkët
Drejtori i Agjencisë së Zbatimit të Gjuhës së RMV-së, Ylber Sela, realizoi takim pune me delegacionin e Fondacionit Fridrih Ebert (Friedrich Ebert Stiftung) në Republikën e Maqedonisë së Veriut, të udhëhequr nga z. Rene Shlee, drejtor për Maqedoninë e Veriut dhe z. Valon Sadiki, koordinator i programit.
Duke e falënderuar për takimin, drejtori Sela e afirmoi rolin e rëndësishëm të fondacionit, si fondacion më i vjetër politik në Gjermani, në mbështetjen e nismave dhe projekteve për bashkëpunimin paqedashës, avancimin e të drejtave të njeriut dhe demokracisë në Republikën e Maqedonisë së Veriut, ndërsa njëkohësisht e njoftoi bashkëbiseduesin e tij me punën e deritanishme të AZGJ-së. Në këtë kontekst, të dy bashkëbiseduesit patën mundësinë të këmbejnë mendime në lidhje me bashkëpunimin e mundshëm mes të dyja institucioneve.
Të dyja palët e vlerësuan takimin si mjaftë të dobishëm dhe theksuan se do të jenë të hapura për vazhdimin e komunikimit dhe bashkëpunimit në projekte me interes të ndërsjellë.
[gallery bgs_gallery_type="slider" bgs_gallery_image_size="full" size="publisher-lg" ids="6938,6941,6944,6947"]

You might also like

News

Një urë bashkëpunimi ndërmjet kulturave dhe gjuhëve

Vizitë e veçantë në ambientet e Agjencisë – Një urë bashkëpunimi ndërmjet kulturave dhe gjuhëve Sot, në cilësinë e drejtorit të Agjencisë, pata nderin dhe kënaqësinë, që së bashku me z-nj. Shpresa Zeqiri Ibrahimi, të mirëpres dy mysafire të nderuara nga Franca, znj. Sophie Desaint-Germain dhe znj. Séverine Chaillou, profesoresha në kolegjin Félix Buhot në qytetin Valognes të Francës, të cilat po qëndrojnë në vendin tonë në kuadër të programit evropian Erasmus +. Mysafiret franceze shoqëroheshin nga z. Ardian Ramadani, profesor, përkthyes dhe autor librash, si dhe nga znj. Gëzime Ramadani, profesoreshë e gjuhës frënge. Gjatë këtij takimi të ngrohtë dhe miqësor, pata rastin t'i njoftoj mysafiret me veprimtarinë e Agjencisë, misionin e saj institucional, përgjegjësitë dhe detyrat që realizojmë në shërbim të qytetarëve dhe të shoqërisë. Takimi gjithashtu ishte një mundësi e çmuar për të shkëmbyer mendime mbi rëndësinë e arsimit, gjuhëve dhe kulturave si ura komunikimi, mirëkuptimi dhe bashkëpunimi ndërmjet popujve. Në këtë frymë, theksuam se njohja e ndërsjellë, dialogu ndërkulturor dhe shkëmbimi i përvojave përbëjnë vlera të rëndësishme për ndërtimin e marrëdhënieve të qëndrueshme dhe për afrimin e shoqërive tona. Besoj fuqishëm se gjuha dhe kultura nuk njohin kufij, por krijojnë ura që bashkojnë njerëzit, institucionet dhe kombet. I falënderova mysafiret për vizitën dhe bashkëbisedimin e frytshëm, me shpresën që takime të tilla të shërbejnë si nxitje për bashkëpunime dhe iniciativa të reja në të ardhmen.

Informacion kontakti
  • St., "Philip the Second of Macedonia" no. 11,
    3rd floor Skopje, Republic of North Macedonia

  • Phone number
    02 312 1731
  • Email
    info@apj.gov.mk